罗家英入院逾3日陈自瑶搁置家庭旅行？洪欣提婚变即落闸今日快报爆缸

今日快报

爆缸破相卢惠光面留3吋伤痕

图1/17

现年60岁嘅动作演员卢惠光正忙于为内地网剧赶戏，日前佢开厂景时不慎被跌落嚟嘅灯架撞伤，导致「破相」，送院接受治理。佢喺社交网上载多张伤势相，并留言：「爆缸！」相中见佢面部鎅伤，伤口由面颊位置延伸至耳仔，足足超过3寸长，伤口还有渗血情况，不过见伤口唔算太深，相信佢情况并无大碍。唔少网友纷纷留言送上慰问。

佢接受访问话：「个灯架反咗落嚟，咪撞落我度，知道受伤，但都想拍埋嗰两场戏先，但当时真系好痛，导演叫我去医院，我咪去照吓有冇事，出嚟结果都话我冇骨裂，唔使缝针，我见冇晕就返咗去继续开工，完成当晚拍摄，因为个架要拆！」由于意外受伤，但系佢没冇打算向电影公司追究：「我有睇番个灯架，都唔明点解会反落嚟，我觉得系意外，咪当自己犯太岁囉！」